ഫീല്‍ഡിംഗില്‍ അന്നും ഇന്നും ഓസ്‌ട്രേലിയയെ വെല്ലാന്‍ വേറാരുമില്ല. കരുത്തുറ്റ ബാറ്റിംഗ് നിര, മികവാര്‍ന്ന ബോളിംഗ് അക്രമണത്തിനൊപ്പം ലോകോത്തര നിലവാരമുള്ള ഫീല്‍ഡിംഗും ചേര്‍ന്നതോടെ ക്രിക്കറ്റിലെ അപാരിജിത ശക്തിയായി ഓസ്‌ട്രേലിയ മാറുകയായിരുന്നു . ഇപ്പോള്‍ ഫീല്‍ഡിംഗില്‍ പുത്തന്‍ പരീക്ഷണവുമായി എത്തിയിരിക്കുകയാണ് ഓസിസ്. ഫീല്‍ഡിംഗില്‍ വ്യത്യസ്തമായ പരിശീലനമുറകളാണ് ഓസിസ് ഫീല്‍ഡിംഗ് പരിശീലകര്‍ ടീമംഗങ്ങള്‍ക്കായി ഒരുക്കിയിരിക്കുന്നത്. ബെഡ്ഷീറ്റ് ഉപയോഗിച്ചുള്ള പരിശീലനം ട്വിറ്ററില്‍ ഹിറ്റായിരിക്കുകയാണ്.ഫീല്‍ഡില്‍ എത്തുന്ന ബോളിനോട് പെട്ടന്നു പ്രതികരിക്കാന്‍ ഈ പരിശീലനരീതി സഹായിക്കുമെന്നാണ് ഓസിസ് ഫീല്‍ഡിംഗ് കോച്ച് ബ്രാഡ് ഹാഡിന്‍ പറയുന്നത്. ടെസ്റ്റില്‍ മൂന്നാം റാങ്കുകാരായ ഓസിസ് അടുത്തമാസം ദക്ഷിണാഫ്രിക്കയ്‌ക്കെതിരെ 4 ടെസ്റ്റുകളുള്ള പരമ്പര കളിക്കാനിറങ്ങുകയാണ്. ഓസ്‌ട്രേലിയ ഇതുവരെ ദക്ഷിണാഫ്രിക്കയില്‍ ഒരു ടെസ്റ്റ് പരമ്പര തോറ്റിട്ടില്ല.
No comments: