സെഞ്ചൂറിയനില്‍ സ്പിന്‍ചുഴി തീര്‍ത്ത് ചാഹല്‍: എറിഞ്ഞിട്ടത് ഉഗ്രന്‍ റെക്കോര്‍ഡ്
സെഞ്ചൂറിയനില്‍ ദക്ഷിണാഫ്രിക്കന്‍ ബാറ്റിങ്ങിന്റെ നട്ടെല്ലൊടിച്ച ഇന്ത്യന്‍ സ്പിന്നര്‍ യുസ്വേന്ദ്ര ചാഹലിന് പുതിയ റെക്കോര്‍ഡ. ചാഹലിന്റെ ബോളിങ് മികവിലാണ് ഇന്ത്യ ദക്ഷിണാഫ്രിക്കയെ കുറഞ്ഞ റണ്‍സില്‍ ചുരുട്ടിക്കൂട്ടിയത്. മത്സരത്തില്‍ അഞ്ച് വിക്കറ്റ് നേടിയ ചാഹല്‍ ദക്ഷിണാഫ്രിക്കയില്‍ ഈ നേട്ടം കരസ്ഥമാക്കുന്ന ആദ്യ ഇന്ത്യന്‍ സ്പിന്നര്‍ എന്ന റെക്കോര്‍ഡാണ് നേടിയത്.8.2 ഓവറില്‍ 22 റണ്‍സ് മാത്രം വഴങ്ങിയാണ് ചാഹല്‍ അഞ്ചു ദക്ഷിണാഫ്രിക്കന്‍ ബാറ്റ്സ്മാന്‍മാരെ പുറത്താക്കിയത്. അനില്‍ കുംബ്ലെയും ഹര്‍ഭജന്‍ സിങ്ങുമടക്കമുള്ള ഇന്ത്യന്‍ സ്പിന്നര്‍മാര്‍ക്ക് സാധിക്കാത്ത നേട്ടമാണ് ചാഹല്‍ സ്വന്തമാക്കിയത്. ക്വിന്റണ്‍ ഡികോക്ക്, ജെ.പി ഡുമിനി, ക്രിസ് മോഫിസ്, സോണ്ടോ, കഗീസോ റബാദ എന്നിവരുടെ വിക്കറ്റുകളാണ് ചാഹല്‍ നേടിയത്. 2001ല്‍ 10 ഓവറില്‍ 27 റണ്‍സ് മാത്രം വഴങ്ങി ഹര്‍ഭജന്‍ സിങ്ങ് മൂന്നു വിക്കറ്റെടുത്തിരുന്നു. ഈ റെക്കോഡ് ചാഹലും കുല്‍ദീപും മറികടന്നു. കുല്‍ദീപ് ആറു ഓവറില്‍ 20 റണ്‍സ് വിട്ടുകൊടുത്ത് മൂന്നു വിക്കറ്റാണ് വീഴ്ത്തിയത്.
No comments: